Rialachas Corparáideach

Cuid dhílis dár n-oibríochtaí

Cuid lárnach de chur ar chumas an Údaráis Póilíneachta agus Sábháilteachta Pobail (PCSA) a dhualgais reachtúla a chur i gcrích ar bhealach ionraic agus de réir a cheanglas reachtúil is ea rialachas corparáideach éifeachtach. Cuid bhunriachtanach de bhainistíocht chuí éifeachtach ár n-eagraíochta is ea rialachas corparáideach.

Le dea-rialachas, tacaítear le cultúr agus éiteas a chinntíonn iompraíocht a sholáthraítear le hionracas, tiomantas láidir do luachanna eiticiúla, agus meas ar an dlí.

Inár gCreat Rialachais, déantar cur síos ar na struchtúir, na beartais agus na próisis atá i bhfeidhm chun na dualgais sin a chomhlíonadh. Déantar soláthar leis freisin do mheasúnú oibiachtúil a dhéanamh ar fheidhmíocht bainistíochta agus ar fheidhmíocht chorparáideach. Is é cuspóir an Chreata Rialachais a chinntiú gurb éifeachtach, soiléir agus in-sainaitheanta atá córais chuntasachta agus freagrachta, agus socruithe comhlíonta.

Tá PCSA faoi réir an Chóid Cleachtais chun Comhlachtaí Stáit a Rialú agus an Chaighdeáin Rialachais Chorparáidigh don Státseirbhís. Tá na doiciméid ábhartha uile ar fáil thíos.