Ráiteas Príobháideachta

Mínítear sa ráiteas príobháideachta seo conas a dhéanann an tÚdarás Póilíneachta agus Sábháilteachta Pobail faisnéis fút a bhailiú agus a úsáid, ar faisnéis í atá bunaithe ar do chuairteanna ar an suíomh Gréasáin seo. Tá sé de cheart agat freisin faisnéis fút atá i seilbh an Údaráis Póilíneachta agus Sábháilteachta Pobail a fháil. Mínítear é sin sa Bheartas Cosanta Sonraí uainn.

Conas a dhéanaimid faisnéis phearsanta a bhailiú agus a úsáid

Ní bhailíonn an tÚdarás Póilíneachta agus Sábháilteachta Pobail aon fhaisnéis phearsanta fút ar an suíomh Gréasáin seo, seachas an fhaisnéis a thugann tú go deonach trí ríomhphost a sheoladh chugainn nó trínár bhfoirm aiseolais ar líne a chomhlánú. D’fhaisnéis phearsanta a chuirtear isteach ar an mbealach sin, déanfar í a bhailiú, a úsáid agus a stóráil chun freagairt don iarraidh uait nó chun aghaidh a thabhairt ar ábhar do ríomhphoist ar shlí eile. Féadfar í a úsáid chun staitisticí a thiomsú freisin. Ní úsáidfear d’fhaisnéis phearsanta chun aon chríche eile agus ní eiseofar í chuig aon tríú páirtí gan do thoiliú. Coinneoidh an tÚdarás d’fhaisnéis phearsanta ar feadh na tréimhse is gá chun déileáil leis an tsaincheist atá i gceist.

Chun tuilleadh faisnéise a fháil, léigh Beartas Cosanta Sonraí an Údaráis Póilíneachta agus Sábháilteachta Pobail nó seol ríomhphost chuig DPO@PCSAIreland.ie.

Baineann suíomh Gréasáin an Údaráis Póilíneachta agus Sábháilteachta Pobail úsáid as fianáin freisin chun críocha feidhmiúlachta, staidrimh agus anailísíochta. Chun tuilleadh faisnéise a fháil maidir le fianáin a úsáidtear ar ár suíomh Gréasáin, tabhair cuairt ar ár leathanach Fianán.

Faoin Acht um Chosaint Sonraí, 2018, tá tú i dteideal iarratas a dhéanamh go n-athrófaí do shonraí pearsanta chun dáta agus féadfaidh tú sinn a chur ar an eolas am ar bith faoi aon athruithe i do shonraí pearsanta. Mar dhuine aonair a bpróiseálann an tÚdarás a shonraí pearsanta, tá na cearta seo a leanas agat:

An ceart chun faisnéis a fháil, rud a bhfuil an ráiteas príobháideachta seo ann ina leith;
An ceart chun rochtain a fháil ar na sonraí pearsanta a shealbhaímid fút, faoi réir srianta dleathacha;
An ceart chun agóid a dhéanamh in aghaidh dírmhargaíochta;
An ceart chun agóid a dhéanamh in aghaidh próiseáil a dhéantar ar bhonn leasanna dlisteanacha;
An ceart go ndéanfaí léirscriosadh (i roinnt imthosca);
An ceart chun iniomparthacht sonraí;
An ceart chun a iarraidh go ndéanfaí do shonraí pearsanta a cheartú i gcás go bhfuil siad míchruinn;
An ceart chun a iarraidh go ndéanfaí do shonraí pearsanta a shrianadh nó a bhacadh ó phróiseáil.

Chun faisnéis a iarraidh maidir le cé na sonraí pearsanta a shealbhaímid fút nó chun a iarraidh go ndéanfaí do shonraí pearsanta a athrú chun dáta, a leasú nó a bhaint dár mbunachar sonraí, seol ríomhphost chuig DPO@PCSAIreland.ie nó scríobh chuig:

An tOifigeach Cosanta Sonraí,

An tÚdarás Póilíneachta agus Sábháilteachta Pobail,

An 4ú hUrlár,

90 Sráid an Rí Thuaidh,

Baile Átha Cliath 7, D07 N7CV.

Tar éis an t-iarratas uait a fháil, breithneofar é agus eiseofar freagra chugat laistigh den tréimhse ama reachtúil is infheidhme.

Más rud é nach bhfuil tú sásta leis an dóigh ar láimhseálamar fianáin nó do shonraí pearsanta agus nach bhfuil tú in ann an tsaincheist a réiteach linn go pearsanta, féadfaidh tú gearán a dhéanamh leis an gCoimisiún um Chosaint Sonraí ag https://www.dataprotection.ie.