Faisnéis a rochtain ar an suíomh gréasáin seo
Ár ngealltanas
Gabhann an tÚdarás Póilíneachta agus Sábháilteachta Pobail (PCSA) air féin a chinntiú gur so-rochtana do gach duine a bhíonn an fhaisnéis ar fad atá ar ár suíomh agus ar ár gcórais. Má bhíonn fadhbanna rochtana agat, déan teagmháil linn lom láithreach. Bímid sásta i gcónaí cabhair a thabhairt.
Gabhaimid orainn féin ár suíomh Gréasáin a dhéanamh inrochtana, i gcomhréir le Rialacháin an Aontais Eorpaigh (Inrochtaineacht Suíomhanna Gréasáin agus Feidhmchlár Móibíleach de chuid Comhlachtaí san Earnáil Phoiblí), 2020. Cuirfear feabhas ar inrochtaineacht na cumarsáide ar bhonn leanúnach mar chuid den chur chun feidhme a dhéanaimid ar an Dualgas Earnála Poiblí faoi alt 42 den Acht fá Choimisiún na hÉireann um Chearta an Duine agus Comhionannas, 2014.
Tá feidhm ag an ráiteas inrochtaineachta seo maidir lenár micreashuíomh sealadach.
Teorainneacha aitheanta
Cé go ndearnamar iarracht feabhas a chur ar an inrochtaineacht, tá roinnt teorainneacha aitheanta ann.
Tá an-chuid de na foilseacháin ar an suíomh Gréasáin seo ar fáil i bhformáid PDF chun go mbeidh sé níos fusa iad a léamh agus a phriontáil as líne. Cé nach mbíonn an fhormáid sin inrochtana go réidh i gcónaí do dhaoine a bhfuil míchumas orthu, déanaimid iarracht inrochtaineacht níos fusa a chinntiú.
Chun doiciméid PDF a léamh, is gá duit Adobe Reader a bheith agat ar do ríomhaire.
I gcás réitigh bogearraí tríú páirtí eile, amhail físeáin óstáilte, tugaimid tús áite do sheirbhísí lena soláthraítear gnéithe cuimsitheacha inrochtaineachta, lena n-áirítear fotheidealú dúnta, rud lena gcumasaítear téacs am-shioncronaithe a léamh nuair atáthar ag amharc ar ábhar amhairc.
Do bhrabhsálaí a shaincheapadh
Is féidir leat d’eispéireas agus tú ag úsáid ár suímh Gréasáin a fheabhsú go mór trí do bhrabhsálaí a shaincheapadh.
Féach thíos conas is féidir leat do shocruithe inrochtaineachta a shaincheapadh le haghaidh na mbrabhsálaithe is mó úsáid.
• Gnéithe inrochtaineachta in Google Chrome
• Gnéithe inrochtaineachta in Microsoft Edge
• Gnéithe inrochtaineachta in Microsoft Internet Explorer
• Gnéithe inrochtaineachta in Mozilla Firefox
• Inrochtaineacht ar ghléasanna Apple agus ar an mbrabhsálaí ‘Safari’
• Gnéithe inrochtaineachta sa bhrabhsálaí ‘Opera’
Ár gcur chuige teicniúil
Cloímid leis na caighdeáin arna leagan amach ag W3C i gcaighdeán AA de leagan 2.1 de na Treoirlínte maidir le hInrochtaineacht Ábhair ar an nGréasán (WCAG 2.1). Measaimid gurb iad na treoirlínte sin na treoirlínte is cothroime le dáta maidir le hinrochtaineacht suíomhanna Gréasáin agus feidhmchlár Gréasáin a chinntiú.
Ba mhaith linn go n-uasmhéadódh a oiread daoine agus is féidir an úsáid a bhaineann siad as an suíomh Gréasáin seo trína bheith in ann na nithe seo a leanas a dhéanamh:
- Dathanna, an chodarsnacht agus clómhéideanna a athrú
- Zúmáil isteach suas le 300% gan an téacs a bheith ag dul as radharc ón scáileán
- An chuid is mó den suíomh Gréasáin a nascleanúint gan ach eochairchlár nó bogearraí aitheanta cainte a úsáid
- Éisteacht leis an gcuid is mó den suíomh Gréasáin trí léitheoir scáileáin a úsáid
Aiseolas agus faisnéis teagmhála
Má theastaíonn faisnéis ar an suíomh Gréasáin seo uait i bhformáid dhifriúil, déan teagmháil linn ag info@pcsaireland.ie. Tabharfaimid freagra duit laistigh de sheacht lá.
Fadhbanna inrochtaineachta leis an suíomh Gréasáin seo a thuairisciú
Bímid ag iarraidh i gcónaí feabhas a chur ar inrochtaineacht an tsuímh Gréasáin seo. Má thagann tú ar aon fhadhbanna nach bhfuil liostaithe ar an leathanach seo ná má cheapann tú nach bhfuilimid ag comhlíonadh ceanglais inrochtaineachta, déan teagmháil linn ag info@pcsaireland.ie.
Nós imeachta forfheidhmiúcháin
Sonraítear i Rialacháin 2020 go bhfuil nós imeachta forfheidhmiúcháin le “[húsáid] i gcás freagraí neamhshásúla ar aon fhógra nó iarraidh arna sheoladh nó arna seoladh i gcomhréir le hAirteagal 7(4)(c) de Rialacháin 2020”.
Sonraítear in alt 38 den Acht um Míchumas go bhféadfaidh duine, nó duine sonraithe, gearán a dhéanamh i scríbhinn le ceann comhlachta phoiblí mura bhfuil an comhlacht sin ag comhlíonadh an dlí mar a leagtar amach in ailt 25, 26, 27, 28 nó 29 den Acht.
Mura bhfuil tú sásta leis an bhfreagra uainn, nó más mian leat saincheist inrochtaineachta nach bhfuil bainteach leis an suíomh Gréasáin seo a tharraingt anuas, is féidir leat gearán a dhéanamh trí ríomhphost a sheoladh chuig info@pcsaireland.ie.
De bhreis air sin, is ar fáil acu seo a leanas atá tuilleadh faisnéise maidir le conas is féidir gearán a dhéanamh le comhlacht seachtrach:
- Is le hOifig an Ombudsman a dhéantar gearáin faoin Acht um Míchumas. Féach an fhaisnéis teagmhála d’Oifig an Ombudsman nó faigh tuilleadh faisnéise faoi.
- Is leis an gCoimisiún um Chaidreamh san Áit Oibre [WRC] a dhéantar gearáin faoi na hAchtanna um Stádas Comhionann. Faigh tuilleadh faisnéise maidir le gearán a dhéanamh faoin Acht um Stádas Comhionann.
Ullmhú an ráitis inrochtaineachta seo
Ullmhaíodh an ráiteas seo an 31 Deireadh Fómhair 2024 agus athbhreithníodh é an uair is deireanaí ar an dáta céanna.
Conas a rinneamar an tástáil
Rinneadh an tástáil trí scripteanna uathoibrithe amhail axe DevTools le haghaidh Inrochtaineacht Gréasáin agus Lighthouse a rith agus trí sheiceálacha láimhe a rinneadh ar an suíomh Gréasáin.
Forbraíonn Feadhnacht an Ghréasáin Dhomhanda (W3C) caighdeáin agus treoirlínte chun cabhrú le gach duine Gréasán a thógáil atá bunaithe ar phrionsabail na hinrochtaineachta, an idirnáisiúnaithe, na príobháideachta agus na slándála.