Cé sinn

Bunaíodh an tÚdarás Póilíneachta agus Sábháilteachta Pobail (PCSA) an 2 Aibreán 2025, ag teacht sna sála ar thosú an Achta um Póilíneacht, Slándáil agus Sábháilteacht Pobail, 2024. Gníomhaireacht reachtúil neamhspleách ar a bhfuil freagracht as formhaoirseacht a dhéanamh ar an nGarda Síochána is ea PCSA agus tacaíonn sé le soláthar éifeachtach agus feabhsú leanúnach na seirbhísí póilíneachta in Éirinn.

Beidh sé mar chroíchuspóir ag PCSA formhaoirseacht agus measúnú a dhéanamh, ar bhealach neamhspleách trédhearcach, ar fheidhmíocht an Gharda Síochána i dtaca le seirbhísí póilíneachta. Is é PCSA an eagraíocht chomharba ar an Údarás Póilíneachta agus ar Chigireacht an Gharda Síochána, agus é ag tógáil fhormhór na bhfeidhmeanna a bhí acu cheana air féin. Chomh maith leis sin, imreoidh sé ról breise Sábháilteachta Pobail ina chinntiú nach é amháin go mbíonn muintir na hÉireann sábháilte ach go mothaíonn siad go mbíonn siad sábháilte freisin ó lá go lá laistigh dá bpobail áitiúla.

 Faigh tuilleadh faisnéise faoi na nithe a dhéanaimid.